ŞƏHLA NİHAN

İnanma deyilənlərə. Deyilməmişi axtar, onların canı hələ üstündədir, deyilib öləcəklər.

Düz bir ömür qabağam

Mən nəhəngəm,budaqlı,şaxəliyəm. Sən budağımdam budağıma qonarsan,qığılcımlarda,lokallıqlarda tanıdarsan özünü, mənim özümü tanıtmama ehtiyac yox. Sənin qığılcımlarının alovu,lokallıqlarının bütünüyəm.

“yox” yerinə “hə”,“hə” yerinə “yox” dedim.Zamanı bezdirdim.O bu talaya istirahətə,əylənməyə gəlir,işləməyə yox.Ona başa saldım ki,tələsmək mənasız şeydir,mənim vaxtım boldur, imkan tapacam qocalmağa.

Onda şair qəhqəhə çəkdi. Partlayış baş verdi. Qoca qəlpələndi. Qəlpələr hara düşdüsə orada şair yetişdi, başlanğıcdan yazdı. Yeni dünya yarandı – gülüş dünyası. Burada talelər başqa idi.

Orda sakitçılıkdır.O mehrab təşviş kəlməsini tanımır.Burdasa ölülər diriləri basdırır. Burası balaca arıların və balaca sincabların vətəni,qalan hər şey iridir burda..iri,çox yekə..qaba.Bura qürbətdir