Virusların
kosmik mənşəli həyat forması olduğu haqda mülahizələr mövcuddur. Virus sırf
hüceyrədaxili patoloji varlıqdır. Sahib hüceyrədən istifadə edib öz proteinlərini
hüceyrə resursları vasitəsilə sintez edib tərk edir oranı. Bir növ çörəyi
dizinin üstdə qonaq kimi. Nüans o ki, sahib hüceyrə genomu ilə virus genomu
arasında əlaqə yaranır. Yüzilliklərlə gedən proses nəticəsində bəzi virusların
irsi materialı insan irsi aparatının əvəzolunmaz hissəsinə çevrilib. İnsan
genomunun 8%-i viruslarla qaynaq edilib, irsi səviyyədə genetik virus kodunu
daşıyırıq. DHT molekulunun böyük
faizinin bir-biri ilə eynilik təşkil etdiyi digər canlı varlıqlardan bizi o
hissələr fərqləndirir. İntellektimizi həmin virus genetik partikullarına
borcluyuq, yaddaş, emosional fon və hələ müəyyənləşdirə bilmədiyimiz bir sıra
xüsusiyyətləri də bu mutasiya elementləri ilə qazanmış olduğumuz söylənilir.
Virus kodu tədricən hüceyrə biologiyasını və ardınca toxumaları, bütöv sistemləri
dəyişdirir. Hətta tədricən gedən bu transformasiyanın yeni bioloji nəsil, irq
yaratmaq iqtidarında olduğu haqda son dərəcə cəsarətl fikirlər səslənməkdə.