Trivial bir şey haqda
Bəzən düşünürsən ki, həyatın mənası nə arzularına
çatıb xoşbəxt olmaqda, nə səni mənən və maliyyə yönündən təmin edə biləcək
karyerada, nə ailə səadətində, nə din-imanda, nə insanlara yararlılıq
koeffisentində, nə....., nə....., nə...... – bütün bunlarda yox, məhz mütləq
azadlığının sənə tanıda biləcəyi o ülvi hissiyyatdadır. Amma azadlığı hara,
nəyə, necə sərf edəcəyimizi bilmədiyimizdən hürküdür bizi belə perspektiv.
Kifayət qədər kamil olmadığımız halda ən yuxarılara əl atmaq... Doğrudan da
tam, heç nədən asılı olmayan sərbəstliyimizi hara sərf edəsiydik ki... və ondan
nə umasıydıq? Yenə də hər şey dartınıb utilitar prinsipə, praktik istifadəyə
dirənir. Yaranışdan beləyik., “hər əməlin xidmət nöqtəsi olmalıdır və
müvəqqətidi deyə bağlanmamalısan” oxunmuş qulağımıza.., lap əzəldən.
Ona görə Azadlıq, buxovlardan qırılma, sərbəst dreyf
təhlükəli sayılır,... Kamyunun Yadı kimi özgələşməməkçün.