Yazı burlesk kimi düşünülmüşdü. Burada bir neçə mesaj var. Əsasən gender məsələsi irəli çəkilib, daha doğrusu onun eybəcərləşdirilmiş ifrat tərəfləri. Səhnədə oynanılan əsasən feminizm mövzusu və onun yaranma səbəbləridir: maskulin aqressiya (əcdadlarının qurd tərəfindən yeyilməsi), patriarxal nüfuzun (məhz nüfuzun, fiziki güc ilə əlaqəsi olmayan bir şeydir) tarix boyu öləziməsi (canavarın davranışında). Ümumiyyətlə, yazı ölən nüfuzlar barədədir. Urbanizasiya probleminə səthi yer ayrılıb. (QP-ın dissertasiya mövzusu. Meşədə onun sabun və kökə tapması, həmçinin hər bir ali keyfiyyəti simvolizə edən gülləri toplaması, şərait olarsa insanların öz doğma yurdlarında xariqələr yarada biləcəyini bildirir).
Qurdun ikiləşmə
prosesində canavar timsalından gəlib buzov səviyyəsinə enməsi modus
reduksiyasına işarədir. İstənilən imperiyanın təhtəlşüurunda zirvələrin
fəthindən sonra tənəzzül proqramı kodlaşdırılıb. Bu, tarixin qaçılmazlıq adlı
menyusudur.
Fəlsəfi bölümdə
elə bir gizli işarə yoxdur. Sadəcə yaradılışın əşrəfi insan bütün uğurlarına və
intellektual imkanlarına baxmayaraq, hər bir şeyin ötəri, keçici, öz
azadlığının isə mif olduğuna inanmaq istəmir. Bunu ona ierarxik orqanizasionun
daha aşağı pilləsində duran biri izah etməli olur.
Vurğulanan daha
bir məsələ geniş, gözəl potensiallı dissertabel mövzularda yazılmış və elmin
müxtəlif sahələrində dönüş yarada biləcək işlərin “kor” opponentlərə
verilməsidir, hansı ki elmdə durğunluq və reqresə səbəb olur. (QP-ın
dissertasiya işi).
Digər subliminal mesaj
və xırda məqamlar da var. Qurdu yatmağa qoymayan Sufrajist talasının işığı və s. kimi..